Яшнободдаги уйда йирик ёнғин. Бир кишининг жасади топилди

Иллюстратив фото

Шу йилнинг 23 декабрь куни Тошкент шаҳрининг Яшнобод туманида яшовчи А.Х.нинг уйида ёнғин содир бўлган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига қараганда, кўрилган чоралар натижасида ўчирилган.

Ёнғин натижасида уйнинг 50 кв.м майдонда ички қисми ва шифт қисми ёниб зарар кўрган ҳамда у шу ерда бўлган С.Қ.нинг куйган ҳолдаги жасади топилган.

Ёнғин келиб чиқиш сабаби ва моддий зарар миқдори аниқланмоқда. Суриштирув ишлари олиб борилмоқда.