Қўшимча функционаллар
-
Тунги кўриниш
Жаҳон | 08:34 / 27.12.2018
4974
1 дақиқада ўқилади
Bloomberg: АҚШ ва Хитой савдо музокараларининг янги раунди бўйича бир қарорга келди
Фото: REUTERS
Америка делегацияси январь ойи бошида Пекинга ташриф буюриб, савдо музокараларининг навбатдаги раундини ўтказиш ниятида. Бу ҳақда Bloomberg манбаларга таянган ҳолда хабар бермоқда.
Агентликдан аниқлик киритилишича, Қўшма Штатлар делегациясига АҚШнинг савдо музокараларидаги вакили ўринбосари Жеффри Герриш бошчилик қилади. Хитой томонидан кимлар иштирок этиши ҳозирча номаълум бўлиб турибди.
Эслатиб ўтамиз, аввалроқ Bloomberg 2019 йилда АҚШ ва Хитой савдо уруши иқтисодиётга қандай таъсир кўрсатишини айтганди.
Қайд этилишича, 2019 йилда АҚШ ва Хитой ўртасидаги савдо урушининг акс садоси нафақат икки мамлакат компаниялари, балки бошқа ширкатларга ҳам таъсир кўрсатади.
