ОАВ: Нукусда йўловчи поезди ўсмирни босиб кетди

Қорақалпоғистон Республикаси Ички ишлар вазирлиги матбуот хизмати Нукус шаҳри темир йўл вокзали ёнида бўлган бахтсиз ҳодиса ҳақида маълумот берди, деб ёзмоқда Makan нашри.

Маълумотда айтилишича, 2019 йил 5 январь куни соат 13:45ла Нукус шаҳри ҳудудидан ўтувчи «Хўжайли-Нукус» темир йўли перегонининг 2-пикети 699-километрида 334-сонли «Саратов-Урганч-Тошкент» йўловчи ташувчи поездини тортиб келаётган UZTE16М2-033-сон тепловози ўсмирни уриб кетган.

Қайд этилишича, Нукус шаҳрида яшовчи, 2002 йилда туғилган Р.Д. темир йўл рельси ўртасидан қулоқчин таққан ҳолда ўтаётган бўлган. Натижада у  воқеа жойида вафот этган. 

Ушбу ҳолат бўйича ҳозирги вақтда тергов олди суриштирув ишлари олиб борилмоқда, дейилади хабарда.