Фото: ilna.ir
Эрон Ташқи ишлар вазирлиги (ТИВ) расмий вакили Баҳром Қосимий Эрон шимоли-шарқидаги Машҳад шаҳрида АҚШ фуқароси Майкл Уайт қўлга олинганини тасдиқлади. Бу ҳақда Ташқи ишлар вазирлиги сайтида хабар берилган.
Баёнотда қайд этилишича, Эрон расмийлари АҚШни «ҳибсга олинишнинг дастлабки кунларида» Қўшма Штатлари фуқароси ушлангани ҳақида хабардор қилган.
8 январь, сешанба куни The New York Times газетаси АҚШ ҳарбий-денгиз кучларининг 46 ёшли фахрийси Майкл Уайт Эронда қўлга олингани ҳақида ёзганди.
Эслатиб ўтамиз, аввалроқ Европа иттифоқи Эронга нисбатан терроризмга қарши санкцияларни кенгайтирганди.
