Порошенконинг уйи устидан дронлар учиб ўтиши тақиқланди

Фото: УНИАН

Украина давлат авиация хизмати мамлакат ҳудудида учувчисиз учар қурилмалар учиши тақиқланган ҳудудлар харитасини эълон қилди. Харитадан президент Пётр Порошенконинг Киев областидаги Козин посёлкасида жойлашган уйи ҳам ўрин олган, деб хабар берди РИА Новости.

"Учувчисиз учар қурилмалар бозорининг жадал ривожланиб бораётганлигини эътиборга олган ҳолда янги турдаги учувчи қурилмалардан фойдаланишнинг янги тартиби устида иш олиб бормоқдамиз", дейилади авиация хизмати хабарида.
Аввалроқ Украина Туркиядан Bayraktar TB2 зарба берувчи ҳарбий дронларни сотиб олиши ҳақида хабар қилинганди.

Таъкидланишича, «Укрспецэкспорт» давлат ширкати туркиялик ҳамкорлар билан тегишли битимни имзолаган.