ОАВ: Оқ уй АҚШда фавқулодда ҳолат режимини эълон қилиш бўйича декларация тайёрламоқда

Фото: AFP/Getty Images

Оқ уй амалдорлари АҚШ президенти Дональд Трамп учун фавқулодда ҳолат режимини эълон қилиш тўғрисидаги декларация лойиҳасини тайёрлашмоқда, унинг давомида Америка етакчиси Мексика билан чегарада девор қуриш учун пул тўлашга давлатни мажбурлайди. Бу ҳақда CNN телеканали ҳужжат лойиҳасига асосан хабар бермоқда.

«Қўшма Штатларга ҳар куни ноқонуний равишда кириб келаётган жуда кўплаб ноқонуний мигрантлар мамлакатдаги хавфсизликка тўғридан-тўғри таҳдид соляпти ҳамда фавқулодда вазиятни яратмоқда», - дейилади декларация лойиҳасида.

Ҳужжатга мувофиқ, Оқ уй давлатлар чегарасида тўсиқ барпо этиш учун 7 миллиард доллар ажратишни талаб қилади.

Эслатиб ўтамиз, аввалроқ WP АҚШ республикачилар партияси нимага айланганини сўзлаб берганди.

#АҚШ #шатдаун