Photo: AP
Бир гуруҳ норози шахслар Ироқ Курдистони ҳудудидаги Доҳук шаҳри яқинида жойлашган Туркия ҳарбий базасига ҳужум уюштирди. Бу ҳақда Reuters агентлиги хабар бермоқда.
Маълум қилинишича, ҳарбий базага ҳужум Туркия ҲҲКнинг 20-22 январь кунлари берган авиазарбаси оқибатида Курдистон Ишчилар партиясининг 21 нафар аъзоси йўқ қилинганига нисбатан норозилик оқибатида уюштирилган.
Базага ҳужум давомида жабрланганлар ёки Туркия қуролли кучлари вакилларининг уларга нисбатан ҳаракатлари тўғрисида маълумотлар йўқ.
Туркия Ироқ шимолидаги Курдистон Ишчилар партияси марраларига зарбалар бериб келмоқда. Анқара ушбу партияни террорчилик ташкилоти деб ҳисоблайди.
