Исроил Хуан Гуайдони Венесуэла президенти деб тан олди

Фото: AP Photo/Sebastian Scheiner, Pool

Исроил бош вазири Биньямин Нетаньяху Исроил Венесуэладаги мухолифат етакчиси Хуан Гуайдони мамлакат раҳбари деб тан олишини маълум қилди.

“Бугун Исроил АҚШ, Канада, Лотин Америкаси ва Европа давлатларининг аксарият қисмига қўшилмоқда. Бугун Венесуэланинг янги раҳбариятини тан олишимизни эълон қиламан”, деб айтган Нетаньяху.

23 январда Хуан Гуайдо ўзини Венесуэланинг вақтинчалик президенти деб эълон қилган.

Мамлакатнинг амалдаги президенти Николас Мадуро юз бераётган воқеаларни давлат тўнтарувига уриниш деб атаган ва АҚШ билан дипломатик муносабатлар узилишини маълум қилган.

Тайёрлаган Шуҳрат Раҳимов

#Венесуэла #Исроил #Биньямин Нетаньяху

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди