Венесуэлалик ҳарбийлар АҚШга қарши марш ўтказишди

Фото: REUTERS/Miraflores Palace

Венесуэлалик ҳарбийлар АҚШ томонидан ўтказилаётган босим ортида ўз матонатларини намойиш қилиш учун марш ўтказишди. Бу ҳақда мамлакат мудофаа вазирлиги Twitter`да маълум қилди.

“Бугун, 28 январда, шавкатли қуролли кучларимиз эркак ва аёллари Америка империализми томонидан тўхтамаётган ҳужумлар олдида юқори маънавий руҳни намойиш қилишди”, деб айтилган хабарда.

Хабарда таъкидланишича, ҳарбийларнинг бурчи Венесуэлани ҳимоя қилишдир.

Хабарга юздан кўпроқ ҳарбийлар колонна бўлиб кўчадан юраётганлари видеоси илова қилинган. Уларга мудофаа вазири Владимир Падрино Лопес бошчилик қилган.

Тайёрлаган Шуҳрат Раҳимов

#АҚШ #Венесуэла #ҳарбийлар

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди