Фото: REUTERS/Miraflores Palace
Венесуэлалик ҳарбийлар АҚШ томонидан ўтказилаётган босим ортида ўз матонатларини намойиш қилиш учун марш ўтказишди. Бу ҳақда мамлакат мудофаа вазирлиги Twitter`да маълум қилди.
“Бугун, 28 январда, шавкатли қуролли кучларимиз эркак ва аёллари Америка империализми томонидан тўхтамаётган ҳужумлар олдида юқори маънавий руҳни намойиш қилишди”, деб айтилган хабарда.
Хабарда таъкидланишича, ҳарбийларнинг бурчи Венесуэлани ҳимоя қилишдир.
Хабарга юздан кўпроқ ҳарбийлар колонна бўлиб кўчадан юраётганлари видеоси илова қилинган. Уларга мудофаа вазири Владимир Падрино Лопес бошчилик қилган.
