Тошкентда 120 минг долларни ўзлаштирган шахс ушланди

Иллюстратив фото

2019 йил 30 январь куни Тошкент шаҳар Олмазор туман ИИО фаолиятини мувофиқлаштириш бўлимидан тушган ҳужжатларга кўра, 2017 йил май ойида Шайхонтоҳур туманида яшовчи Ш.А. Чилонзор туманида жойлашган ўзига тегишли мебель дўконида фуқаро И.Ш.га биргаликда тадбиркорлик қилишини айтган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, бу шахс алдов йўли билан ундан 120 000 АҚШ долларини олиб, берган ваъдасини бажармай, пулларни ўз эҳтиёжлари йўлида ишлатиб юборган.

Кўрилган чоралар натижасида Ш.А. ушланган. Ҳолат юзасидан жиноят иши қўзғатилиб, тергов ҳаракатлари олиб борилмоқда.

#Тошкент #фирибгарлик