Трамп ракеталардан мудофаа бўйича янги тизим ишлаб чиқилаётганини эълон қилди

Фото: Doug Mills/AFP/Getty Images

АҚШ президенти Дональд Трамп ракеталардан мудофаа янги тизимини (РМТ) ишлаб чиқиш бошлангани ҳақида маълум қилди. Бу конгрессга мурожаат вақтида рўй берди, Fox News унинг трансляциясини амалга оширди.

Трампнинг таъкидлашича, мамлакатда армияни кенг миқёсда тиклаш ишлари олиб борилмоқда.

«АҚШ ҳарбий қудратни кучайтиришнинг элементларидан бири сифатида ракеталардан мудофаа энг янги тизимини ривожлантирмоқда», - деди Трамп.

Америка етакчиси қўшимча қилишича, 2018 йилда АҚШнинг мудофаага бюджети тахминан 700 миллиард долларни, 2019 йилда эса 716 миллиард долларни ташкил қилди.

Эслатиб ўтамиз, аввалроқ Трамп ракеталар бўйича битим ҳақида баёнот берганди.

#ракета #Дональд Трамп