Саудия Арабистони Ҳиндистонга яна 100 млрд доллар сармоя қилишга тайёрлигини билдирди 

Саудия Арабистони валиаҳд шаҳзодаси Муҳаммад бин Салмон Ҳиндистон ҳукуматига мамлакат иқтисодиётига қўшимча яна 100 млрд доллардан зиёдроқ маблағ киритишга ваъда берди.  

20 февралда Нью-Деҳлида томонлар энергетика, уй-жой қурилиши, ахборот технологиялари ва туризм каби соҳаларда ҳамкорлик қилиш бўйича 5 та келишувни имзолашган.

Валиаҳд шаҳзоданинг айтишича, “Ҳиндистон бош вазири Нарендра Моди Саудия Арабистонига охирги марта 2016 йилда ташриф буюрган”. “Биз Ҳиндистон иқтисодиётига 44 млрд долларга яқин сармоя киритганмиз”, деб таъкидлаб ўтган шаҳзода ва яна 100 млрд доллар киритиш имкони борлигини қўшимча қилган.