Сўров: аҳоли нархлар ўсиши ўз даромадлари ўсишидан кўпроқ бўлишини кутмоқда

Ўзбекистон аҳолиси даромадлар ошишини кутмоқда, аммо нархлар ундан ҳам тез суръатда ошиши мумкин.

Бу ҳақда Марказий банкнинг «Ўзбекистон Республикаси аҳолиси ва корхоналарининг инфляцион кутилмалари - 2018 йил IV чорак» ҳисоботида айтилган.

2018 йил январь-декабрь ойларида ўтказилган сўровда мамлакат бўйлаб 750 жисмоний шахс ва 300 юридик шахс иштирок этди.

Даромадларнинг келгусидаги ўзгаришига оид кутилмаларда оптимистик кайфият кузатилди. Келгуси 12 ойда даромадлари ошишини кутаётган респондентлар улуши олдинги чоракка нисбатан 5 фоиз бандга ошиб, 73 фоизни ташкил этган.

Мос равишда, бунинг аксини қайд этганлар улуши 16 фоизгача тушган (III чоракда 21 фоиз эди):

Бироқ, даромадлари ошишини кутаётган респондентларнинг аксарият қисми нархлар ўсиши уларнинг даромадлари ўсишидан кўпроқ бўлишини кутаётганини қайд этган: