«Коррупциялашган мафиянинг юзи»: АҚШ Эрон ташқи ишлар вазири истеъфосига изоҳ берди

Фото: AP

АҚШ давлат котиби Майк Помпео Эрон ташқи ишлар вазири Муҳаммад Жавод Зарифнинг истеъфога чиқиши ҳақидаги маълумотларга изоҳ берди. Бу ҳақда у твиттердаги ўз саҳифасида ёзган.

Помпеонинг сўзларига кўра, Қўшма Штатлар унинг истеъфога чиқиши ҳақидаги маълумотга эътибор қаратди.

«Нима бўлган тақдирда ҳам, у (Зариф) ва (Эрон президенти) Ҳасан Руҳоний - шунчаки коррупциялашган диний мафиянинг қўғирчоқ шахслари», - деди Помпео.

Унинг қўшимча қилишича, АҚШ фикрича, қарорлар Оятуллаҳ Хаменеий томонидан қабул қилинади. Помпеонинг қайд этишича, Америка томонининг сиёсати ўзгаришсиз қолади.

Эслатиб ўтамиз, аввалроқ Эрон ташқи ишлар вазири истеъфога чиқишини эълон қилганди.

#АҚШ #Эрон