Лукашенко навбатдаги президент сайловларида иштирок этишини маълум қилди
Беларусь президенти Александр Лукашенко 2020 йилда бўлиб ўтадиган президент сайловларига ҳеч ким уни оғир дақиқаларда қочиб кетганликда айбламаслиги учун номзодини қўйишини айтди. Лукашенко бу ҳақида жамоатчилик, Беларусь ва хорижий ОАВ вакиллари билан учрашувда айтиб ўтди.
Лукашенконинг айтишича, Беларусь фуқаролари унга шундай муносабатдаларки, у бўлиб ўтажак сайловларга ўз номзодини қўймаслигининг иложи йўқ. Бироқ Беларусь раҳбари барчаси ўзгариши ҳам мумкинлигини қўшимча қилган.
“Мен ҳозир шундай ўйламоқдаман, бироқ соғлиғимда ўзгариш бўлиши ёки яна нимадир юз бериши ва бошқа йўл тутишга тўғри келиши мумкин. Бироқ мен буни ҳозир, сайловлардан олдин, кейин сиз мени қўрқоқликда айблаб, оғир дамда қочиб кетди, демаслигингиз учун айтмоқдаман”, деб таъкидлаб ўтган Лукашенко.
Ҳозирда 64 ёшда бўлган Лукашенко Беларусга 1994 йилдан бери раҳбарлик қилиб келади.
Мавзуга оид
22:33 / 16.09.2024
Лукашенко яна 37 нафар сиёсий маҳбусни афв этди
00:12 / 13.09.2024
Лукашенко Қорабоғ атрофидаги воқеаларда Арманистон раҳбариятини айблади
15:37 / 04.09.2024
Лукашенко 2020 йилги намойишларнинг 30 иштирокчисини афв этди
20:56 / 22.08.2024