Бекободдаги марказий деҳқон бозори олдида юз берган жанжал оқибатида бир киши вафот этди

2019 йил 3 март куни Тошкент вилоятининг Бекобод шаҳри Ўзбекистон кўчасида жойлашган марказий деҳқон бозори олдидаги пиёдалар ўтиш йўлагида 16 ёшли Ш.С. ўзаро жанжал оқибатида Бекобод шаҳрида яшаган 52 ёшли О.Т.нинг юзига қўли билан урган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, оқибатда О.Т. боши билан ерга йиқилиб, жароҳат олган ва воқеа жойида вафот этган.

Ш.С. қўлга олинган. Ҳолат юзасидан жиноят иши қўзғатилиб, тергов ҳаракатлари олиб борилмоқда, дейилади хабарда.