Юк ташувчи транспорт воситалари 2022 йилгача божхона тўловларидан озод этилди

Ўзбекистон Республикаси президенти «Юк ва йўловчи ташиш тизимини тубдан такомиллаштириш чора-тадбирлари тўғрисида»ги қарорни имзолагани хабар берилганди.

Ҳужжат билан 2022 йил 1 январгача авиация ёқилғиси, локомотивлар, темир йўл вагонлари ва бутловчилар (ТИФ ТН коди 8601 — 8607), барча типдаги юк контейнерлари (ТИФ ТН коди 8609), учиш аппаратлари (ТИФ ТН коди 8802), ишлаб чиқарилганига 4 йилдан ошмаган, юк ташиш учун мўлжалланган транспорт воситалари (ТИФ ТН коди 8701 20, 8704 23 (самосваллардан ташқари), 8716 31, 8716 39) божхона тўловларидан озод қилинди (божхона расмийлаштируви йиғимлари бундан мустасно). 

Бунда республикага олиб кириладиган авиация ёқилғиси ўрнатилган тартибда қўшилган қиймат солиғига тортилади.

Бундан олдин, «Қамчиқ» довони орқали катта ҳажмли ва оғир вазнли транспорт воситаларининг ўтиши чекланиши хабар қилинганди.