Хитойнинг Хунань вилоятидаги трассада туристик автобус ёниб кетди. Айни вақтда воқеада жабрланган 30 киши шифохонага етказилган. Бу ҳақда фалокат юз берган Чандэ шаҳри раҳбарияти баёнотида айтилган.
Фалокат 22 март куни маҳаллий вақт билан соат 19.15да Чанша-Чжанцзяцзе трассасида юз берган. Ичида 56 киши бўлган автобус ҳаракатланиш вақтида номаълум сабабга кўра аланга ичида қолган.
Ҳалок бўлганлар ва жароҳатланганлар сони маълум қилинмаган. Воқеа юзасидан тергов ишлари олиб борилмоқда.
