“Таълим ва мутахассислик” ХХ халқаро кўргазмаси ташкил этиляпти

“Таълим ва мутахассислик” ХХ халқаро кўргазмаси ташкил этилмоқда. Кўргазма 27 март куни Андижон шаҳрида, 28-29-30 март кунлари пойтахтдаги “Ёшлар ижод саройи”да, 1 апрель куни Самарқанд шаҳрида бўлиб ўтади. Унда Ўзбекистон ҳамда хориждаги олий таълим муассасалари билан яқиндан танишиш имконияти мавжуд.

Ўзбекистон ёшлар иттифоқи, Ўзбекистон Савдо-саноат палатаси, Ўзбекистон Республикаси бандлик ва меҳнат муносабатлари вазирлиги, Ўзбекистон Республикаси Олий ва ўрта махсус таълим вазирлиги билан ҳамкорликда ўтказилаётган кўргазма доирасида бўш иш ўринлари ярмаркаси ҳам ташкил этилади. Унда нуфузли ташкилотлар, йирик тадбиркорлик субъектлари, Корея Республикасининг халқаро ҳамкорлик агентлиги (КОICA) ҳамда Ташқи меҳнат миграцияси масалалари агентлиги иштирок этади.