Салондаги чидаб бўлмас даражадаги ҳид туфайли Boeing 737 Вашингтонда қўнишга мажбур бўлди

Фото: EPA

United Airlines компаниясига қарашли Boeing 737 самолёти салон ичида чидаб бўлмас даражадаги ҳид чиққани туфайли Вашингтонда қўнишга мажбур бўлди. Fox News телеканалининг хабар беришича, самолёт Балтимордан Сан-Францискога учиши керак бўлган.

Парвоздан бир неча дақиқа ўтгач йўловчилардан бири ўткир ҳиддан ўзини нохуш ҳис қила бошлаган. Унинг кўнгли айниб, боши оғриган.

Самолётни Вашингтонда шифокор ва ўт ўчириш ходимлари кутиб олишган. Текширувлардан сўнг бортда бўлган йўловчилардан етти нафари касалхонага жўнатилган.

Авиакомпания жабрланувчиларга тиббий хизмат харажатларини тўлаб беради. Ҳодисанинг сабаби эса маълум қилинмаган.

Эслатиб ўтамиз, аввалроқ Эфиопияда Boeing 737 MAX самолёти қулаганидан сўнг бутун дунё бўйлаб ўнлаб авиакомпаниялар Boeing 737 MAX самолётларидан фойдаланишни тўхтатди. Евроиттифоқ ва АҚШ уларнинг парвози учун ўз ҳаво ҳудудини ёпиб қўйди.