Паром Бразилиядаги кўприкнинг қулашига олиб келди

Фото: REUTERS/Fernando Araujo/Agencia Brasil

6 апрелда Бразилиянинг Пара штатидаги Можу дарёси устидан ўтувчи кўприкнинг бир қисми қулаб тушди.

Штат губернатори Хелдер Барбальонинг айтишича, кўприк баландлиги 200 метр келадиган марказий устунига паром келиб урилгандан кейин қулаб тушган. Гувоҳларнинг таъкидлашича, дарёга кўприкдаги икки атомобил ҳам тушиб кетган. Губернаторнинг таъкидлашича, бундай бахтсиз ҳодиса биринчи марта юз бермаяпти.

“Ҳозир бизнинг асосий вазифа қурбонларни топиш ва уларнинг оилаларига кўмак кўрсатишдан иборат”, деб айтган Барбальо.

Primeiros registros que temos sobre a queda da terceira ponte do Moju. Vou informando vocês por aqui. Neste momento sobrevoando a área com Cel. Dilson da PM, Cel. Hayman e o secretário de Segurança Ualame Machado. pic.twitter.com/OkKRMZRjBq
— Helder Barbalho (@helderbarbalho) April 6, 2019

Қутқарувчиларнинг маълум қилишича, воқеа жойида қайиқ экипажининг на бирор аъзоси, на ҳужжатлар топилган. Ҳудудда фавқулодда вазият эълон қилинган.

Таъкидланишича, Можу устидан ўтувчи кўприк мамлакатнинг фермер туманларини шимолий портлар билан боғловчи бош йўлда жойлашган. Ҳар куни у орқали катта миқдорда жўхори ва соя ташилган. Маълум қилинишича, кўприкнинг тикланишига йиллар кетиши мумкин.