Қашқадарёдаги ёнғинда бир киши ҳалок бўлди

2019 йил 21 апрель куни Қашқадарё вилоятининг Қарши туманида яшаган Т.К. уйида ухлаб ётган вақтида устидаги кўрпаси электр иситиш печига тегиб кетган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, бунинг оқибатида ёнғин чиқиши натижасида у куйиш жароҳатини олган ва тутундан заҳарланиб, воқеа жойида вафот этган. 

Ҳолат юзасидан суриштирув ишлари олиб борилмоқда, дейилади маълумотда.