Навоийдаги ўзаро жанжалда бир киши ҳалок бўлди

2019 йил 28 апрель куни Навоий шаҳар Агрономлар кўчасида яшовчи Ш.О. маст ҳолда, Толстой кўчасида яшаган В.В.нинг уйида ўзаро жанжал туфайли уни пичоқ ва қўли билан уриб жароҳатлаган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, натижада В.В. воқеа жойида вафот этган. Ш.О. қўлга олинган. 

Ҳолат юзасидан жиноят иши қўзғатилиб, тергов ҳаракатлари олиб борилмоқда.