Ўзбекистон олтин сотиш бўйича дунё етакчисига айланди

2019 йил 1-чорагида Ўзбекистон Марказий банки 6,2 тонна олтин сотиб, бу борада дунё етакчисига айланди. Бундай маълумотни Жаҳон олтин кенгаши (World Gold Council) ўзининг навбатдаги докладида келтирган.   

Жорий йилнинг январь-март ойларида олтин сотиш бўйича 2-ўринни 3,4 тонна олтин экспорт қилган Мўғулистон, 3-ўринни 1 тонна олтин сотган Тожикистон эгаллаган. 

Аввалроқ  йилнинг 1-чорагида жаҳон давлатлари миллий банклари охирги 6 йил ичидаги рекорд ҳажмдаги – 145,5 тонна олтин сотиб олгани маълум қилинганди. Бу ҳажм 2018 йилнинг шу даврига нисбатан 68 фоиз кўпроқни ташкил қилган. 

Маълум қилинганидек, олтин сотиб олиш бўйича Россия етакчилик қилиб, қимматбаҳо металлдан 55,3 тонна сотиб олиб, ўз олтин захиралари ҳажмини 2168,3 тоннагача етказиб қўйган. Шунингдек, Туркия (40,1 тонна), Хитой (33 тонна), Қозоғистон (11,2 тонна), Эквадор (10,6 тонна), Қатар (9,4 тонна), Ҳиндистон (8,4 тонна) ва Колумбия (6,1 тонна) фаол равишда олтин сотиб олган.