Мьянмада самолёт “қорни билан” қўнишга мажбур бўлди (видео)

Интернетда Мьянманинг Мандалай шаҳрида Myanmar National Airline авиакомпанияси самолётининг “қорни билан” қўниши видеоси эълон қилинди.

12 май эрталаб пойтахт Янгондан Мандалайга 81 йўловчи ва экипажнинг 7 аъзоси билан учаётган Embraer ERJ-190LR самолёти олд шассиси ишламай қолгани сабабли таг қисми билан қўнишга мажбур бўлган.

Мамлакат фуқаролик авиацияси бошқармаси вакили Же Тутнинг маълум қилишича, воқеага техник носозлик сабаб бўлган. Воқеа оқибатида ҳеч ким жабрланмаган.

Бу жорий ҳафтада Мьянмада юз бераётган иккинчи шундай ҳодисадир. 8 май куни Biman Airlines авиакомпанияси самолёти Янгон аэропортида фавқулодда қўнишни амалга ошириб, уч қисмга бўлиниб кетган. ОАВнинг маълум қилишича, воқеа оқибатида 30 киши жароҳат олган.

#MNA (Embraer 190) #Yangon-#Mandalay this morning, landing at the #Mandalay airport - Nose Lansing Gear failure on landing. Flight Capt. has done the amazing job. #Myanmar pic.twitter.com/7dDzSIs13V

— Cape Diamond (@cape_diamond) 12 мая 2019 г.