ИИВ: Японияга жўнатмаган фирибгар ушланди

Иллюстратив фото

2019 йил 9 май куни Тошкент шаҳрининг Яккасарой туман ИИБга ҳужжатлар тушган, деб хабар бермоқда Ўзбекистон Республикаси ИИВ Жамоатчилик ва ОАВ билан алоқалар бошқармаси.

Унда шу йил 4 апрель куни Мирзо Улуғбек туманида яшовчи 28 ёшли Б.Д. Юсуф Хос Хожиб кўчасида Самарқанд вилоятида яшовчи 23 ёшли М.Р.ни Японияга ишга жўнатишни айтиб, уни алдаб ишончига кириб, 6 220 АҚШ доллари ва 4 500 000 сўм пулларини олиб, шу кунга қадар берган ваъдасини бажармай пулларни ўз эҳтиёжи учун ишлатиб юборганлиги кўрсатилган.

Кўрилган чоралар натижасида Б.Д. ушланган. Ҳолат юзасидан жиноят иши қўзғатилиб, тергов ҳаракатлари олиб борилмоқда.