Трамп Байденнинг Хитой билан алоқалари текширилишини қўллаб-қувватлади

АҚШ президенти Дональд Трамп собиқ вице-президент Жо Байденга нисбатан суриштирув ўтказиш ғоясини қўллаб-қувватлади. У бу ҳақда Fox News каналига интервьюда маълум қилди, ундан парча The Next Revolution дастурининг Twitter'ида жойлаштирилди.

Журналист Байденнинг Хитой ҳукумати билан алоқаларини текшириш кераклиги борасида қизиққан. Унинг сўзларига кўра, ХХР собиқ вице-президентнинг оилавий бизнесига миллиардлаб доллар сармоя киритмоқда.

«Юз фоиз, бу шармандалик», - дея таъкидлаб ўтди Трамп. 

Гап айнан қандай сармоялар ҳақида кетаётганига аниқлик киритилмаган.

АҚШ матбуоти маълумотларига кўра, 2013 йилда Жо Байденнинг ўғли Хантерга тегишли бўлган компания Хитой банки билан миллиард долларлик сармоя шартномасини имзолаган. Қайд этилишича, Хантер Байден ва унинг шериклари Хитой ҳукуматига тегишли фирмалар билан билан кўп миллионлик битимларда иштирок этган бир қанча тижорат тузилмалари ташкил қилган.