Фарғонада ўзаро жанжал оқибатида аёл кишининг умрига зомин бўлган шахс ушланди

2019 йил 18 май куни Фарғона шаҳри Қувасой кўчасида яшовчи 43 ёшли Н.А. уйида оилавий жанжал туфайли бирга яшаган 40 ёшли никоҳсиз аёли Л.Г.нинг юзига қўли билан урган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, натижада аёл боши билан ерга йиқилиб, жароҳат олган. Оқибатда Л.Г. 19 май куни олган тан жароҳатлари туфайли уйида вафот этган. 

Ҳолат юзасидан жиноят иши қўзғатилиб, Н.А. ушланган. 

Тергов ҳаракатлари олиб борилмоқда, дейилади хабарда.