Футбол бўйича Туркия терма жамоаси 2020 йилги Европа чемпионатининг саралаш учрашувини ўтказиш учун Исландияга келганда, терма жамоа сардорининг журналистлар билан мулоқоти вақтида у томон микрофон ўрнига идиш ювишда қўлланувчи чётка узатилди.
Дастлаб турк ўйинчилари Исландияга келгач бир неча соат текширувдан ўтказилишган, сўнгра аэропортдан чиқиш вақтида терма жамоа сардори Эмре Белезўғлу турк ОАВ учун интервью бераётганда номаълум эркак футболчининг оғзига чўтка тутган.
Туркияда ушбу ҳолат ҳақорат деб қабул қилинган. Мухлислар ижтимоий тармоқларда ўзларининг норозиликларини билдира бошлашган. Иш ҳаттоки Туркия ҳукуматигача етиб борган, вазиятга Туркия президенти матбуот котиби Иброҳим Қалин муносабат билдирган.
“Исландияда терма жамоамизга нисбатан қилинган ҳурматсизликка чидаб бўлмайди, биз зарур чоралар кўрамиз. Терма жамоамиз эса майдонда муносиб жавоб қайтаради”, деб ёзган Қалин ижтимоий тармоқларда.
