Мексика жанубий чегарада гвардия қўшинларини жойлаштиришни бошлади

Мексика Марказий Америка мамлакатларидан ноқонуний миграция оқимига қарши курашиш учун жанубий чегарада миллий гвардия қўшинларини жойлаштиришни бошлади, деб маълум қилди мамлакат ташқи ишлар вазири Марсело Эбрард.

Унинг сўзларига кўра, махсус комиссия тузилган бўлиб, унинг таркибига ташқи ва ички ишлар ҳамда ижтимоий ривожланиш бўйича идоралар вакиллари кирган.

Мексика  Сальвадор, Гватемала ва Гондурас ҳукуматлари билан ҳамкорликда Марказий Америка мамлакатларидан келган мигрантларни рўйхатга олиш ва уларга ёрдам беришни кўзламоқда. 

Аввалроқ АҚШ президенти Дональд Трамп агарда Мексика ноқонуний мигрантларга қарши чора кўрмаса, унга нисбатан санкциялар киритилишини айтганди.