Бугун, 23 июнь куни Тошкент шаҳри ҳокими Жаҳонгир Ортиқхўжаев Қўйлиқ бозорига ташриф буюрди. Бу ҳақда пойтахт ҳокимлиги матбуот хизмати Kun.uz’га хабар қилди.
Ташриф давомида шаҳар ҳокими озиқ-овқат нархлари билан танишган, шунингдек, бозор ҳудудида тартиб ва тозаликка қай даражада риоя этилишини кузатган.
«Ҳоким маҳсулотлар ассортиментларини кўздан кечирди, шунингдек нархлар билан қизиқди. У бозор ҳудудидаги ҳолатга ва ободонлаштириш ишларига ҳам эътибор қаратди», - дейилади матбуот хизмати хабарида.
Ортиқхўжаев бозорда сотувчилар ва харидорлар билан суҳбатлашган.
Қўйлиқ бозорига ташрифидан кейин ҳоким Чорсу бозорида ҳам бўлган.