«Ювентус» «Аякс»дан Маттейс де Лигтни трансфер қилиш ва эркин агентга айланаётган Адриен Рабьони ўз сафига қўшиб олиш арафасида, деб хабар беради Football Italia.
Турин клуби кейинги ҳафта мазкур икки футболчи жамоанинг янги аъзосига айланганини эълон қилиши мумкин.
Таъкидланишича, «Юве» де Лигт ва Рабьо билан шартнома имзолаш бўйича ишларни жадал суръатларда олиб боришга уринмоқда. Бозорда ушбу футболчилар учун рақобат даражаси бунга сабабдир. Хусусан, Италия чемпиони «ПСЖ»нинг Адриенга яхшироқ таклиф билан чиқиши мумкинлигидан хавфсирамоқда.
Қайд этилишича, Рабьо унинг агенти саналувчи онаси фойдасига молиявий талабларини юмшатган. Эндиликда у аввалги 10 млн евродан фарқли ўлароқ йилига 7 млн евро маош сўрамоқда.
Де Лигтнинг «Ювентус»даги йиллик маоши миқдори 12 млн еврони ташкил этиши мумкин.
Аввалроқ Рабьо «ПСЖ»да қолиш ҳақида ўйлаётгани, де Лигт эса «Ювентус»га ўтмоқчилиги хабар қилинган эди.
