«Арсенал» жароҳатлар гирдобида, Италия дербисида янги юлдуз порлади. Кун ўйинлари

Англия: Артета жиддий муаммолар

«Арсенал» — «Ливерпул» 2:2
Голлар: Сака (9), Мерино (43) — ван Дейк (18), Салоҳ (81).
«Арсенал» – Райя, Тимбер (Люис-Скелли, 76), Габриэл (Кивиор, 54), Уайт, Парти, Мартинелли (Нванери, 85), Мерино, Райс, Сака (Жезус, 85), Ҳавертц, Троссар.
«Ливерпул» – Келлеҳер, Робертсон (Цимикас, 63), ван Дейк, Конате, Александер-Арнолд, Мак Аллистер (Собослаи, 63), Гравенберҳ, Диас (Гакпо, 63), Жонс (Эндо, 90+1), Салоҳ, Нунес.
Огоҳлантиришлар: Мак Аллистер (33), Райя (66), Нунес (90+4).

«Арсенал» марказий ҳимоячилар жуфтлигидаги ўзгариш билан ўйинни бошлади — одатда ўнг қанотда ўйнайдиган Бен Уайт бу сафар мудофаа марказида Габриэл билан дуэт ҳосил қилди. Уилям Салиба ўтган турда «Борнмут»га қарши кечган ўйинда қизил карточка олган ва «Ливерпул» билан муҳим ўйинни ўтказиб юборадиган бўлганди. Ўнг қанотда Уайтнинг ўрнини таянч яримҳимоячиси Томас Парти эгаллади.

Аммо Уайт янги позицияда ҳам ўзини яхши тутди. 9-дақиқада у майдоннинг иккинчи қисмидан туриб Букайо Сакани тўп билан таъминлади, у эса тўпни қабул қилиб олгач, бир ҳаракат билан Эндрю Робертсонни йўлидан олди ва тўпни куч билан яқин «тўққизлик»ка аниқ йўллади. 

Ўтказиб юборилган голдан кейин «Ливерпул» жонланди, «канонирлар» эса қарши ҳужум учун имконият қидира бошлади. Мерсисайдликлар Луис Диас фаол ҳаракатланган чап қанотдан босим уюштиришди ва унинг ҳужумларидан бири бурчак тўпи билан якунланди. Трентнинг яқин устун олдига узатмасидан кейин Диас Ҳаверц билан тўп учун курашда устун келди ва уни марказроққа узатди, у ерда Виржийл ван Дейк бош билан дарвозани ишғол этди.

Ҳисоб тенглашиши мезбонларнинг ўйинига таъсир кўрсатмади. Улар тўпга кўпроқ вақт давомида эгалик қилишди ва дарвоза томон кўпроқ зарбалар йўллашди. Натижада «Арсенал» яна ҳисобда олдинга чиқиб олди: Райс жарима зарбасидан тўп узатди, Мерино бош билан аниқ зарба йўллаб, жамоа сафидаги илк голини урди. VAR узоқ вақт давомида офсайд бор-йўқлигини аниқлаш учун мазкур эпизодни текширди, якунда гол инобатга олинди.

Иккинчи бўлим эса мезбонлар учун нохушлик билан бошланди. Нунес билан тўқнашувда «Арсенал» марказий ҳимоячиси Габриэл жароҳат олди. Бразилиялик газонга қулади ва тиббиёт ходимлари ёрдамидан кейин ўйинни давом эттирди. Аммо бир неча дақиқа ўтиб яна газонга ўтириб олди ва алмаштирилди. Натижада «Арсенал» ҳимояси марказида одатдаги Габриэл – Салиба жуфтлиги ўрнига Уайт ва Кивёр ўйнайдиган бўлди.

Мажбурий алмаштиришдан кейин «Ливерпул» ташаббусни қўлга олди, «Арсенал» ҳимояга ўтиришга қарор қилди. Арне Слот дарҳол учталик алмаштириш қилди – майдонга Цимикас, Собослаи ва Гакпо чиқиб келди. Шусиз ҳам асосий футболчилари йўқлигидан азият чекаётган «Арсенал»да (Мартин Эдегор, Риккардо Калафиори, Киран Тирни, Такеҳиро Томиясу) Габриэл ортидан чап қанот ҳимоячиси Юрриен Тимбер ҳам сафдан чиқди. 76-дақиқада унинг ўрнига 18 ёшли Майлз Люис-Скелли туширилди.

Айнан мажбуран алмаштирилган футболчилар ўрнига тушган Кивёр ва Скелли 81-дақиқада Салоҳни қўриқлай олишмади ва ҳисоб тенглашди – 2:2.

Микел Артета «Сити» билан ўйиндаги каби «Ливерпул»га қарши ўйинда ҳам ғалабани сақлаб қололмади ва қолган дақиқаларни ҳужумда ўтказишга қарор қилди. 87-дақиқада мезбонлар хавфли вазиятга эга бўлишди. Ҳаверц дриблинг ишлатиб, ҳужум қилди ва тўпни жарима майдони ташқарисидан олис устун томон етказиб берди, у ерда захирадан майдонга тушган Габриэл Жезус ҳужумга қўшилди. Бразилиялик бир тегинишда зарба йўллади, аммо Кертис Жонс бўш бурчакка кетаётган тўпни тўсиб қолди.

90-дақиқада эса «канонирлар» гол ҳам уришди. Ҳаверц тўпни дарвозабон устидан ошириб ташлади, тўп тўсиндан қайтди ва унга биринчи бўлиб Жезус етиб келди. Аммо ҳужум вақтида бош ҳакам Энтони Тейлор германиялик ҳужумчи Трентга қўполлик ишлатган деб топиб ҳуштагини чалганди.

Дуранг «Ливерпул»ни биринчи ўриндан пастга туширди — энди Слот жамоаси «Манчестер Сити»дан бир очкога ортда қолмоқда. «Арсенал» эса қаторасига иккинчи турда очко йўқотиб, учинчи ўринга тушди: мерсисайдликлар билан фарқ тўрт, «шаҳарликлар» билан — беш очко. Таркибда жиддий муаммоларга учраган лондонликларнинг кейинги рақиблари — «Нюкасл» ва «Челси».

{Yii::t(}

Ўтказиб юбориш 6s

Ўтказиб юбориш

«Вест Ҳэм» — «Манчестер Юнайтед» 2:1
Голлар: Саммервилл (74), Боуэн (90+2, пеналти) — Каземиро (81). 
«Вест Ҳэм» – Фабиански, Эмерсон, Килмен, Мавропанос (Тодибо, 46), Уан-Биссака, Родригес (Крессуэлл, 90+4), Алварес, Солер (Саммервилл, 46), Лукас Пакета (Соучек, 46), Боуэн, Антонио (Ингз, 71).
«Манчестер Юнайтед» – Онана, Мазрауи (Линделёф, 84), Мартинес, де Лигт, Далот, Каземиро, Эриксен (Зиркзе, 79), Гарначо, Фернандеш, Рэшфорд (Диалло, 59), Ҳойлунд.
Огоҳлантиришлар: Пакета (25), Мавропанос (30), де Лигт (59), Саммервилл (74), Эмерсон (90+5), Крессуэлл (90+6).

«МЮ» Лондондаги ўйинни кучли бошлади. «Қизил иблислар» сафида 100-ўйинида майдонга тушган Гарначо илк ҳужумда дарвоза тўсинини пойлади, кейин эса Ҳойлунд ва Бруну Фернандеш қулай имкониятлардан фойдалана олмади. Диогу Далот эса яккама-якка вазиятга чиқиб бориб, дарвозабонни алдаб ўтди, аммо шундан кейин бўш дарвозага тўғри зарба беролмади. Бу гол уришдан гол уролмаслик қийинроқ бўлган вазият эди.

Иккинчи бўлимда меҳмонларда бу қадар кўп голли вазиятлар бўлмади, Гарначо эса узатма беришда хатога йўл қўйиб, тўпни йўқотди, Боуэн тўпни жарима майдонига етказиб берди, у ерда Ингснинг ўхшамаган зарбаси олис устун олдида тўпга етиб борган Саммервиллга голли узатмага айланди. Кўп ўтмай Далот, Зиркзе ва Каземиронинг саъй-ҳаракатлари билан ҳисоб тенглашганида, «МЮ» мағлубиятдан қутулиб қолгандек кўринганди.

Аммо 90-дақиқада VAR ва мониторга таклиф этилган арбитр де Лигт жарима майдони ичида фол қайд этган деб топди. «МЮ» футболчилари бир неча дақиқа давомида баҳслашишди, аммо ҳеч нарса ўзгармади, Онана зарба йўналишини топган бўлса-да, Боуэн тепган тўпга ета олмади. Қўшиб берилган 12 дақиқа давомида ҳисоб бошқа ўзгармади. Ўйин якунлангани тўғрисидаги ҳуштакдан кейин тен Ҳаг жорий мавсумнинг ўзида учинчи бор ҳакамлар қарори жамоанинг турнир жадвалидаги ўрнига таъсир кўрсатгани тўғрисида гапирди. Аммо 14-ўринга жамоа вазиятлардан фойдаланиш бўйича АПЛдаги энг ёмон кўрсаткични қайд этаётгани ҳам сабаб бўлмоқда — xG (кутилган голлар) бўйича 14,6 кўрсаткичи қайд этилгани ҳолда 8 гол урилган.

«Челси» — «Нюкасл» 2:1
Голлар: Жексон (18), Палмер (47) — Исак (32). 
«Челси» – Санчес, Жеймс, Колуилл, Фофана, Гюсто (Кукуреля, 78), Лавия (Фернандес, 72), Кайседо, Палмер, Нету, Мадуэке (Мудрик, 67), Жексон (Нкунку, 78).
«Нюкасл» – Поуп, Ҳолл (Келли, 89), Берн, Шер, Ливраменто, Гимараэс, Тонали (Лонгстафф, 68), Жоэлинтон (Осула, 89), Барнс (Уиллок, 68), Алмирон (Мерфи, 68), Исак.
Огоҳлантиришлар: Фофана (11), Шер (22), Лавия (54), Тонали (64), Мадуэке (66), Санчес (84), Нету (88), Лонгстафф (90), Мареска (90+4), Нкунку (90+4).

«Челси»нинг тезкор голи бекор қилинди, аммо бу мезбонларни тушкунликка туширмади. Уларнинг ҳисобга олинган кейинги голида — ҳимоядан чиқишда намуна кўрсатилди. Палмер тўпни ўз жамоаси жарима майдони яқинида рақиб ҳудудига орқа турган ҳолда қабул қилиб, ўгирилди ва қарамасдан чап қанотга диагонал узатма берди, тезлик олган Педру Нету тўпга етиб борди ва жарима майдони ичида очилган Жексонни голли пас билан таъминлади. Ўтган мавсум давомида танқидга учраган форвард АПЛдаги 44 ўйинида 20 гол уришга улгурди. Бу билан клуб тарихида 20-голига энг қисқа муддатда эришган бешинчи футболчига айланди.

Аммо бўлим давомида лондонликлар муаммосида хатолик кузатилди ва «Челси» тарбияланувчиси Ҳолл қадрдон клубини ранжитиб, тўпни бўш дарвоза қаршисида ёлғиз турган Исакнинг оёғига қўндириб берди. Иккинчи бўлимдаги иккита ҳал қилувчи вазият ҳам худди шу футболчилар иштирокида кечди. Палмер ўз голини урди, Исак эса — дарвозабонни алдаб ўтганидан кейин — оптимал ечим топа олмасдан, ҳимоячилар тўпни майдон ташқарисига чиқариб юборишига йўл қўйди. «Нюкасл»нинг «Стэмфорд Бриж»даги нохуш серияси давом этади — «қарғалар» бу стадиондаги сўнгги 12 ўйиндан 11 тасида ютқазиб, бир бор дуранг ўйнаган.

Испания: «Атлетико»нинг илк мағлубияти

«Бетис» — «Атлетико» 1:0
Гол: Хименес (4, автогол).
«Бетис» – Руй Силва, Перро, Лоренте, Бартра, Руибал (Сабали, 90+1), Алтимира, Кардозо, Форналс, Эззалзули (Лосада, 90+1), Чими Авила (Диао, 77), Роке.
«Атлетико» – Облак, Рейнилду (Галан, 46), Хименес, Витцел, Молина, Лино (Симеоне, 70), Галлаҳер (Сёрлот, 46), Коке, Де Паул (Лемар, 84), Алварес, Гризманн (Корреа, 70).
Огоҳлантиришлар: Мандава (7), Коке (66), Перро (75), Руибал (83).

Шанба куни класикода тор-мор этилган «Реал» мавсумдаги илк мағлубиятини қабул қилиб олганди, бир кун ўтиб эса турнир жадвалида бу графадаги сўнгги нол ҳам ғойиб бўлди. Лекин «Атлетико»нинг мағлубияти кутилмаган воқеа, Хименеснинг ўйин тақдирини ҳал қилган автоголини — ёқимсиз тасодиф деб бўлмайди. Биринчидан, Мануэл Пеллегрини «Бетис»ни ажойиб жамоага айлантирган. Иккинчидан, мезбонлар биринчи бўлим давомида мезбонлар дарвозасини қамал қилишди. Ла лига ўйинларида 20 йилдан ортиқ вақт давомида «матрасчилар» ушбу рақибга қарши илк 45 дақиқаликда зарбалар бериш борасида ортда қолмаганди. 3:14 — эса умуман Диего Симеоне учун ярашмайдиган кўрсаткич.

Италия: Турин ёшлари ва юлдузларнинг ўғиллари

«Интер» — «Ювентус» 4:4
Голлар: Зелински (15 пеналти, 37 пеналти), Мхитарян (35), Думфрис (53) — Влаҳович (20), Веа (26), Йилдиз (71, 82).
«Интер» – Зоммер, Бастони, де Врей, Павар (Биссек, 63), Димарко (Дармиан, 77), Думфрис, Мхитарян, Зелински (Фраттези, 63), Барелла, Мартинес, Тюрам (Торимий, 87).
«Ювентус» – Ди Грегорио, Кабал, Данило (Гатти, 77), Калулу, Камбиязо, Локателли, Маккенни (Тюрам, 83), Веа (Йилдиз, 62), Фажоли (Савона, 61), Консейсау, Влаҳович (Мбангула, 77).
Огоҳлантиришлар: Данило (52), Павар (59), Думфрис (75).

Турнир жадвали пешқадами «Наполи» 1:0 ҳисобидаги ғалабалар режимига ўтганида, унинг танқидчилари биринчи бўлимнинг ўзидаёқ биргаликда беш гол уришди. Жамоалар ҳисобда қувлашмачоқ ўйнаб, Италия дербиси учун рекорд ўрнатишди. Ҳоқон Чалхонўғли йўқлигида Зелински пеналтидан урган голлардан биринчисига «Ювентус» етти дақиқа ичидаги икки ажойиб ҳужум билан жавоб қайтарди. Маккенни жарима майдони ичига етказиб берилган тўпни қулай вазиятда турган Влаҳовичга етказиб берди, Франсишку Консейсау қанотдан ёриб кириши билан амалга оширилган ҳужум якунида Веа дарвозани ишғол этди.

Аммо шундан кейин «Интер» турборежимни ёқди. Мхитарян Тюрам билан девор услубида ўйнаб, ичкарига кириб борди ва устун ёнига аниқ зарба йўллаб, мувозанатни тиклади. Кейин шу куни илк бор бошланғич таркибда тушган Зелински яна бир 11 метрлик жарима зарбасини аниқ ижро этди, иккинчи бўлим бошида Дюмфрис ҳисобдаги фарқни иккитага оширди.  Ди Грегорио Димарко ва Барелланинг хавфли зарбаларини қайтариб, ҳисоб янада йирик бўлиб кетишининг олдини олди. Амалда дарвозабон интригани сақлаб қолди, захирадан ўйинга қўшилган Кенан Йилдыз узоқдан йўллаган зарбаси билан уни жонлантирди. Ва унинг ўзи, яна Дюмфрис қаршилигини енгиб ўтиб, дублни расмийлаштирди ва таблода 4:4 ҳисоби пайдо бўлди.

Туркиялик яримҳимоячи 19 ёшу 176 кунлигида ушбу дерби тарихига энг ёш дубл муаллифи сифатида кирди. Уни захирада қолдирганига қарамай, Тиагу Мотта «Интер»га қарши ўйинлардаги энг ёш бошланғич таркибни туширди (ўртача ёш 25 ёшу 212 кун). Йилдиз ва ўйин охирида ўз акаси Маркусга қарши ўйнаш учун майдонга чиққан Кефрен Тюрам ҳам илк дақиқалардан майдонда бўлганида, бу рақам янада кичикроқ бўлиши мумкин эди. Улар чигалёзди машғулотлари вақтидаёқ илиқ кўришишган, ўйин якуни эса — уларнинг таниқли отаси Лилианга ўзига хос совға бўлди. Ғалаба йўқлигидан фақат бошқа юлдуз оталар ранжиши мумкин, чунки Жорж Веа ва Сержиу Консейсаунинг фарзандлари «Кекса синиора»да ўйнайди.

Германия: «Бавария» етакчиликни бермаяпти

«Боҳум» — «Бавария» 0:5
Голлар: Олисе (16), Мусиала (26), Кейн (57), Сане (65), Коман (71).
«Боҳум» – Древес, Медич, Ордец, Эрманн (Дашнер, 61), де Вит (Мийоси, 72), Виттек, Пасслак (Гамбоа, 46), Лосилла, Сиссоко, Машович, Брошински (Ҳофманн, 72).
«Бавария» – Нойер, Дэвис, Ким Мин Жэ, Упамекано, Лаймер, Палиня (Горетцка, 61), Киммиҳ, Олисе (Сане, 61), Коман, Мусиала (Мюллер, 61), Кейн (Тел, 69).
Огоҳлантиришлар: Пасслак (12), Мусиала (45+1).

«Бавария» Боҳумдаги ўйиннинг биринчи бўлими ўрталаридаёқ икки тўп фарқи билан олдинга чиқиб олди ва якунда биринчи ўринга қайтди. Олисенинг жарима зарбасидан кейин дарвозабон тўп йўналишини томоша қилишдан бошқа чора топа олмади. Иккинчи голни урган Мусиала эса «Барселона»га қарши ўйинда бошланғич таркибда тушиши керак бўлганини эслатди. Аммо Венсан Компани мантиқий йўл тутган ва жароҳатдан кейинги илк ўйинида ёш юлдузга катта юклама беришни истамаганди. Якшанба куни Мусиала ўзига хос бўлмаган тарзда гол урди, у Киммиҳ жарима зарбасидан кейин узатиб берган тўпни боши билан дарвоза тўрига йўллади.

Шундан кейин кўпчилик 7:0 ҳисобини эсга олди — 2021 йилдан буён «Бавария» ва «Боҳум» ўртасидаги ўйинларда уч бор шундай натижа қайд этилган. Аммо мюнхенликлар якшанба куни у қадар қонга ташна эмаслиги маълум бўлди ва фақат бешта гол билан кифояланди. Жамоа мавсум бошидан буён саккиз турда жами 29 гол урган. Ҳозирча ЕЧЛда Компанининг ишлари ўхшамаяпти, «Барселона»га йирик ҳисобда мағлуб бўлишдан олдин «Астон Вилла»дан ҳам мағлубиятга учралганди. Аммо  бундеслигада айни вақтда унинг бошқарувидаги жамоа саккиз тур якунларига кўра бутун турнир тарихидаги энг яхши сермаҳсуллик намойиш этмоқда. Айнан шу кўрсаткич очколар тенг келган ҳолатда турнир жадвалида «Лейпциг»дан юқорида туришга имкон бермоқда.

Франция: француз класикосидаги калтаклаш

«Марсел» — «ПСЖ» 0:3
Голлар: Невеш (7), Балерди (29, автогол), Барколя (40). 
«Марсел» – Рулли, Брассие, Кондогбиа, Балерди, Мурилло, Ҳёйберг, Рабио, Ҳарит, Луис Энрике (Лирола, 85), Гринвуд (Роу, 46), Ваи (Коне, 46).
«ПСЖ» – Доннарумма, Мендеш (Бералдо, 50), Пачо, Маркинос, Ҳакими, Жоау Невеш (Асенсио, 78), Витиня, Заир-Эмери (Фабиан Руис, 67), Ли Кан Ин (Меюлю, 78), Барколя (Дуэ, 67), Дембеле.
Огоҳлантириш: Ҳёйберг (18).
Четлатиш: Ҳарит (20).

«Велодром»да 50-марта ўтказилган француз класикосида «Марсел» иложсиз ҳолатга тушиб қолиб, ҳафсалани пир қилди, бу жамоа 1998 йилдан буён биринчи бўлим якунларига кўра уч тўп фарқи билан ортда қолмаганди. Бўлим охирида провансалликлар етакчиси Гринвуднинг хатосидан кейин Барколя масхаромуз гол уриб ҳисобни йириклаштирди, бу вақтда трансляция режиссёри мезбонларнинг ҳафсаласи пир бўлган мухлислари стадион ҳудудини тарк этишга тушганига эътибор қаратди. «ПСЖ» эса шу куни юқори савия намойиш этди, буни биринчи гол урилган ҳужумда Заир-Эмери тўпни рақиб боши устидан қандай ўтказганида ҳам кўриш мумкин эди. Қолаверса, Роберто де Дзерби жамоасида муҳим ижрочилар уялтирди. Хусусан, Ҳарит Франция чемпионатидаги юбилей 100-ўйинида Маркиноснинг кўкрагига оёқ билан зарба бериб, 20-дақиқадаёқ жамоадошларини бир киши кам қолдирди. «Марсел» футболчилари сўнгги олти ўйинда тўрт бор қизил карточка олишган! Кейин эса мезбонлар сардори Балерди ўз дарвозасига аҳмоқона гол урди.

Париждагилар нафақат ғалабани, балки навбатдаги қатор рекорд натижаларни ҳам нишонлашди. Масалан, Дембеле қаторасига учинчи ўйинда голли узатма бермоқда, бунақаси охирги бор 10 йил муқаддам Ибраҳимович билан бўлганди. Барколя мавсум стартидаги самарадорлик бўйича (9 турда 8 гол) француз футболчилар орасида фақат Жиняк ва Бенземадан ортда қолмоқда. Марселга ўтган «ПСЖ» тарбияланувчиси Рабио фаолиятида илк бор класикода ютқазди. Луис Энрике жамоаси «Монако»нинг мавсумдаги илк мағлубиятидан фойдаланиб, турнир жадвалида яккапешқадамга айланди.

Кун статистикаси

• «Интер» ва «Ювентус»нинг А серия доирасидаги ўзаро ўйинларида 3-бор камида саккизта гол урилди. Аммо бундай сермаҳсул кечган охирги ўйинларда туринликлар йирик ғалабаларга эришганди (1932 йилда 6:2 ва 1961 йилда — 9:1).
• Эдин Жеко «Фенербаҳче»нинг сўнгги 5 уй учрашувини голсиз тарк этмаяпти. Бу «канарейкалар» футболчиларининг 2007 йилдан (Opta компанияси бу борада ҳисоб юритишни бошлаган) буён энг яхши натижаси такрорланиши бўлди.
• «Лацио» ҳимоячиси Нуну Тавареш бу мавсумда 7 бор голли узатма берди. Португалиялик футболчи бу борада собиқ жамоадоши Сака билан биргаликда — топ-5 лигаларда энг яхши ассистент бўлиб турибди.
• «Бенфика» ҳужумчиси Карим Оқтуркўғли етти ўйинда 8 гол урди, бунгача 59 йил мобайнида лиссабонликларнинг янги футболчиси билан мавсум стартида бундай сермаҳсуллик кузатилмаганди.
• «Ливерпул» ҳужумчиси Салоҳ «Арсенал»га урган голлари сонини 11 тага етказди. «Канонирлар»ни бундан кўпроқ фақат Кейн (14) ва Уэйн Руни (12) хафа қилган.
• 17 ёшу 77 кунлик — «Тоттенҳэм» футболчиси Мур шу ёшда. «Шпорлар»да 1993 йилдан буён бундай ёш футболчи Англия чемпионати ўйинида бошланғич таркибда тушмаганди.
• «Фейеноорд» барча турнирлар доирасида қаторасига 20 сафар ўйинида ютқазмасдан, клуб рекордини такрорлади. Бунгача роттердамликлар бундай серияни 1961/62 ва 1978/79 йилги мавсумларда ҳам қайд этганди.
• Сака 22 ёшу 52 кунлигида АПЛда 50 гол уриб улгурди ва «Арсенал»нинг бу кўрсаткичга эришган энг ёш футболчиси бўлди.