Қўшимча функционаллар
-
Тунги кўриниш
Абдулазиз Комилов Қирғизистон ташқи ишлар вазири билан музокаралар ўтказди
Фото: Қирғизистон ТИВ
2019 йилнинг 6 июль куни Марказий Осиё мамлакатлари ва Европа иттифоқи вазирлар учрашувида иштирок этиш учун Бишкек шаҳрига келган Ўзбекистон Республикаси ташқи ишлар вазири Абдулазиз Комилов Қирғизистон Республикаси ташқи ишлар вазири Чингиз Айдарбеков билан музокаралар ўтказди.
Ташқи сиёсат идоралари раҳбарлари томонидан Ўзбекистон-Қирғизистон муносабатлари масалалари, ҳамкорликни янада мустаҳкамлаш ва ривожлантириш йўллари муҳокама қилинди ҳамда «Марказий Осиё – Европа иттифоқи» шаклидаги 15-вазирлар учрашуви кун тартиби юзасидан фикр алмашилди, дейилади ТИВ хабарида.
Мулоқот давомида олий даражадаги мунтазам алоқалар Ўзбекистон ва Қирғизистон ўртасидаги муносабатларда икки томонлама муносабатлар ва халқаро майдондаги алоқаларнинг барча масалаларига ўзаро мақбул ечим топишга имкон берувчи ижобий муҳит шакллантиргани мамнуният билан қайд этилган.
Вазирлар турли даражаларда бўлажак учрашувлар жадвали юзасидан ҳам фикр алмашдилар.
Мавзуга оид
17:30 / 14.11.2024
Қирғизистон Иссиқкўлни сақлаб қолиш учун қўшниларга камроқ сув бериши мумкин
22:01 / 12.11.2024
Қирғизистонда ҳокимиятни эгаллашга тайёргарлик кўрган етти киши қўлга олинди
16:44 / 11.11.2024
Саудия тараққиёт жамғармаси Қирғизистонда 38 та мактаб қуриб беради
17:21 / 06.11.2024