Ўзбекистон ЕТТБ Бошқарувчилар кенгашининг йиллик йиғилишини Самарқандда ўтказиш бўйича ариза берди
Жорий йилнинг 10 июль куни инвестициялар ва ташқи савдо вазири Сардор Умурзоқов Европа тикланиш ва тараққиёт банки президенти Сума Чакрабарти билан банкнинг Лондондаги штаб-квартирасида музокаралар ўтказди.
Суҳбат чоғида ҳамкорликнинг устувор йўналишлари: молиялаштирилган лойиҳаларни амалга ошириш ва жалб этилган маблағларни ўзлаштириш, янги истиқболли ташаббуслар ҳамда уларни амалга ошириш учун имкониятлар муҳокама қилинди. ЕТТБнинг Ўзбекистон банк-молия тизимини ислоҳ қилишдаги иштирокига алоҳида эътибор қаратилди.
Шунингдек, Ўзбекистон Республикаси президенти ҳузуридаги Чет эллик инвесторлар кенгашини ЕТТБ қўллаб-қувватлови ҳамда техник кўмаги ёрдамида ташкил этиш ва ўтказиш доирасида ҳамкорлик вариантлари кўриб чиқилди.
Бундан ташқари, 2023 йил Самарқандда ЕТТБ Бошқарувчилар кенгаши йиллик йиғилишини ўтказиш бўйича Ўзбекистоннинг аризаси ҳам муҳокама қилинди.
Музокаралар якуни бўйича томонлар кун тартибидаги муҳим масалалар бўйича умумий позицияни шакллантиришди, ҳамкорликнинг кейинги босқичлари бўйича келишувларга эришишди.
Мавзуга оид
12:40 / 01.10.2024
Самарқанддаги хорижлик ўқитувчилар: мактаблар учун янги тажриба
19:23 / 25.09.2024
Самарқандда қаровсиз ҳолда қуритиб юборилган боғлар масаласи прокуратура назоратига олинди
16:16 / 25.09.2024
Тошкентдан Бухорогача тезюрар поездлар учун янги темирйўл қурилади — президент
19:33 / 24.09.2024