Шимолий Корея нима учун ракета синови ўтказганини изоҳлади

Фото: Jung Yeon-Je/AFP via Getty Images

КХДР етакчиси Ким Чен Ин янги тактик бошқарилувчи ракеталар учирилганига изоҳ берди. Унинг айтишича, Жанубий Кореянинг Корея яриморолида ҳарбий машғулотлар ўтказганидан сўнг, ракеталар синовини ўтказишга зарурат пайдо бўлган. Бу ҳақда Корея миллий телевидениесига асосланган ҳолда Блумберг агентлиги хабар қилмоқда.

Ким Чен Иннинг аниқлик киритишича, расмий Пхеньян «жанубий кореялик босқинчиларга бўйсунмайди».

Эслатиб ўтамиз, бир неча кун аввал Шимолий Кореяда учирилган ракеталардан бири 430 км, иккинчиси 690 км масофага парвоз қилгач, 50 км.лик максимал баландликка етган ва Япон денгизига қулаган эди.