160 долларгача. Самарқандда сайёҳлар кунига қанча пул сарфлаётгани айтилди

Фото: KUN.UZ

Самарқанд вилоят туризмни ривожлантириш департаментининг маълум қилишича, 2019 йилнинг 6 ойи давомида Самарқандга дунёнинг 156 мамлакатидан 274 минг сайёҳ ташриф буюрган. Бу ҳақда Zarnews.uz ёзмоқда.

Манбада айтилишича, Самарқандга келган ҳар бир сайёҳ кунига ўртача 100 АҚШ доллар сарфламоқда. Масалан Европа ва узоқ Шарқ мамлакатидан келганлар кунига 150-160 АҚШ долларигача харжлашади. Аммо сайёҳларнинг Самарқандда ўртача қолиш муддати атиги икки кунни ташкил қилади.

Департаментнинг маълум қилишича, 2022 йилгача Самарқанд йилига камида 2 миллион хорижий сайёҳни қабул қилиши, сайёҳларнинг ўртача ташриф муддати эса камида 3-4 кунга узайишига эришиш кўзда тутилган.