Давлат департаментининг бўлим бошлиғи қўл остидаги ходимларига қўполлик қилгани учун ишдан бўшатилди – ОАВ

АҚШ давлат департаментининг сиёсатни режалаштириш бўлими бошлиғи Кирон Скиннер қўл остидаги ходимларига қўполлик қилгани учун лавозимидан бўшатилди, деб хабар берди Politico.

Кирон Скиннер  ушбу бўлимни 2018 йил 1 сентябрдан буён бошқариб келаётганди.  

Нашр манбаларининг сўзларига кўра, ходимлар агар Скиннер ишдан бўшатилмаса, ўзлари ишдан кетишларини айтишганидан сўнг уни бўшатиш тўғрисида қарор қабул қилинган. Газета ва қатор нашрларнинг ёзишича, у ходимларига мунтазам равишда бақирган, қўполлик қилган, ҳақоратлаган. Скиннернинг бўлимдаги бир йиллик фаолияти давомида ходимларнинг учдан бири ишдан бўшаб кетган.