АПЛ. 1-турнинг охирги ўйинида «МЮ» «Челси»ни тор-мор қилди
Англия Премьер-Лигасида 1-турнинг охирги ўйини якунланди. Ўз майдонида «Челси»ни қабул қилган «Манчестер Юнайтед» 4:0 ҳисобида ғалаба қозонди.
Аввалига 18-дақиқада Маркус Рэшфорд пенальтидан гол уриб, жамоасини ҳисобда олдинга олиб чиқди. Рэшфорд Зуманинг қўполлиги сабаб белгиланган жаримани аниқ амалга ошириб, «голлар ёмғири»ни бошлаб берди.
Ўйиннинг 65-дақиқасигача тенг кураш кечди ва кейин Сулшер шогирдлари яна темпни оширишди. 65-дақиқада Антони Марсьяль қанотдан узатилган тўпни дарвозага жойлаб, ҳисобни иккитага оширди. 67-дақиқада Маркус Рэшфорд узоқ масофадан супер гол урди.
81-дақиқада захирадан майдонга тушган манчестерликларнинг уэльслик дебютанти Дэниел Жеймс Поль Погбанинг супер рейдидан сўнг гол уриб, ўйиндаги якуний нуқтани қўйди. Погба ўйинда иккита голга ассистентлик қилганини таъкидлаш керак.
Манчестер Юнайтед – Челси 4:0
Голлар: Рэшфорд (18, пен, 67), Марсьяль (65), Жеймс (81).
Манчестер Юнайтед: Де Хеа, Линделеф, Уан-Биссака, Магуайр, Шоу, Погба, Лингард (Мата, 86), Мактомини, Перейра (Жеймс, 74), Марсьяль, Рэшфорд (Гринвуд, 86).
Челси: Аррисабалага, Аспиликуэта, Зума, Эмерсон, Кристенсен, Маунт, Баркли (Пулишич, 58), Жоржиньо (Канте, 73), Ковачич, Педро, Абрахам (Жиру, 66).
Мавзуга оид
12:56 / 22.09.2024
«Реал»да яна бир жароҳат, «МЮ»да омадсизлик. Кун ўйинлари
13:29 / 17.09.2024
Роналду — «МЮ»ни тарк этиши, клуб билан ҳозирги муносабатлари ва ўғлининг футболчи бўлиш истаги ҳақида
14:06 / 08.09.2024
«МЮ»даги учинчи мавсум: Тен Ҳагга ғолиб жамоа қуриш учун яна қанча вақт ва пул керак?
10:26 / 02.09.2024