Ҳиндистон элчиси Исломобод қарори сабабли Ҳиндистонга қайтди

Фото: Reuters

Ҳиндистоннинг Покистондаги элчиси Ажай Бисария Кашмир мақоми ўзгартирилиши сабабли Исломобод икки томонлама муносабатлар даражасини пасайтиришга қарор қилгандан бир неча кун ўтиб Нью-Деҳлига қайтди. Бу ҳақда NDTV телеканали манбаларга иқтибос келтирган ҳолда хабар берди.

Манбалар сўзларига кўра, Бисария Покистон Ҳиндистоннинг дипломатик муносабатларни пасайтириш қарорини қайта қўриб чиқиш илтимосига қулоқ солмагач ватанига қайтган. Элчи Исломободни 10 августда тарк этиб, Нью-Деҳлига Дубай орқали етиб келган.

Покистон ва Ҳиндистон ўртасидаги муносабатларда ҳинд ҳукуматининг Жамму ва Кашмир штатини тугатиб, унинг ўрнига иккита иттифоқдош ҳудуд ташкил этиш қарори сабабли кескинлик юзага келганди. Исломобод бу қарорни қоралаган.

Шу сабабли Покистон ҳукумати 7 августда Ҳиндистон элчисини чиқариб юбориш қарорини қабул қилган.

Тайёрлаган: Шуҳрат Раҳимов

#Ҳиндистон #Покистон