Хитой билан қишлоқ хўжалиги маҳсулотлари экспорти бўйича келишувга эришилди - «Ўздавкарантин»
Ўзбекистон Республикаси Вазирлар Маҳкамаси ҳузуридаги Ўсимликлар карантини давлат инспекцияси ва Хитой Халқ Республикаси Сифат, назорат, инспекция ва карантин бўйича бош маъмурияти ўртасида 2017 йил 5 июлда имзоланган келишувга мувофиқ, ҳозирга қадар Ўзбекистондан Хитойга қишлоқ хўжалиги маҳсулотлари фақатгина ҳаво йўллари орқали экспорт қилинаётган эди.
«Ўздавкарантин» инспекцияси ахборот хизмати хабарига кўра, Ўсимликлар карантини давлат инспекцияси ва Хитой Халқ Республикасининг Бош божхона бошқармаси ўртасида ўзаро олиб борилган музокаралар муваффақиятли якунланди. Бунда республиканинг карантин остидаги маҳсулотлари, шу жумладан, қишлоқ хўжалиги маҳсулотларининг Хитой Халқ Республикаси бозорига экспорти ҳажмини ошириш, тадбиркорлик субъектларига янада қулайликлар яратиш ва қишлоқ хўжалиги маҳсулотлари экспортидаги рақобатбардошликни оширишга қаратилган янги инфратузилма яратиш кўзда тутилган.
Қайд этилишича, ХХР тарафи жорий йилнинг август ойидан бошлаб қишлоқ хўжалиги маҳсулотлари Ўзбекистондан Хитойга нафақат ҳаво йўллари орқали, балки ер усти транспортларида Хоргос (Қозоғистон), Алашанкоу (Қозоғистон) ва Иркештам (Қирғизистон) чегара масканлари орқали экспорт қилинишига рухсат берилганлигини тасдиқлади.
Мавзуга оид
15:43 / 28.09.2024
Биржада пахта нархи 11 минг сўмгача кўтарилди. Бу нимадан дарак?
12:38 / 27.09.2024
Қашқадарёда пахта хариди бўйича рақобат чекланмоқда
21:29 / 25.09.2024
ҚХВ фермерларга босим бўлаётгани билан боғлиқ вазиятни “тўғри талқин қилиш”ни сўради
17:09 / 24.09.2024