Қўшимча функционаллар
-
Тунги кўриниш
Ўзбекистон тарихида илк марта Сенат ялпи мажлиси жонли эфирга узатилмоқда
Олий Мажлис Сенатининг 21-ялпи мажлиси парламент юқори палатасининг Facebook`даги расмий саҳифасида жонли эфирга узатилмоқда.
Расмий саҳифада ялпи мажлисни очиб берган Сенат раиси Танзила Норбоева ва Сенатга ҳукумат ҳисоботини ўқиб эшиттирган Бош вазир ўринбосари Азиз Абдуҳакимовнинг нутқи жонли трансляция қилиб борилди.
Қайд этиш керак, айни пайтга келиб «Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида»ги ва «Хотин-қизларни тазйиқлар ва зўравонликдан ҳимоя қилиш тўғрисида»ги қонунлар сенаторлар томонидан маъқулланди. Сенатнинг Facebook`даги саҳифасида ушбу қонунлар қабул қилинишидан аввалги муҳокамалар эфирга берилгани йўқ.
Шундай бўлса-да, таъкидлаш жоиз, парламент палатаси ялпи мажлисининг жонли трансляция қилиниши Ўзбекистон тарихида илк марта кузатилмоқда.
Маълумот учун, аввалроқ Telegram мессенжерида ҳам Олий Мажлис Сенатининг расмий канали очилган эди.
Мавзуга оид
18:58 / 23.04.2026
Парламент комиссиясида ўрмонлардан фойдаланиш ва чўлланишга қарши курашиш масалалари муҳокама қилинди
10:19 / 22.04.2026
Марказий Осиё ва Озарбойжон етакчи аёллари устувор вазифаларни муҳокама қилди
18:24 / 08.04.2026
Сенат ялпи мажлисида шаҳарсозлик, йўл инфратузилмаси ва риелторликка оид муҳим қонунлар маъқулланди
22:27 / 07.04.2026