Туркия ҳудудининг курдлар томонидан ўққа тутилиши оқибатида 8 киши ҳалок бўлди
Туркиянинг Мардин вилоятидаги Нусайбин тумани суриялик курд отрядлари томонидан ўққа тутилиши оқибатида 8 киши ҳалок бўлди, 35 киши яраланди. Бу ҳақда Anadolu ахборот агентлиги хабар берди.
Аввалроқ Туркиянинг Шонлиурфа вилоятидаги Суруч шаҳри миномётдан ўққа тутилган. Миномёт снарядларининг аҳоли яшайдиган ҳудудда портлаши оқибатида 2 киши ҳалок бўлган, 2 киши яраланган.
10 октябрда Мардин ва Шонлиурфадаги аҳоли пунктларининг ракета ва миномётлардан ўққа тутилиши оқибатида 7 киши, жумладан 5 бола ва ўсмир ҳалок бўлган.
Туркия 9 октябрда Сурия шимолида Курдистон ишчи партияси ва ИШИДга қарши “Тинчлик манбаи” деб ном олган ҳарбий амалиётни бошлаганди. Турк ҳарбий авиацияси ўша куни Суриянинг Туркия билан чегарадаги Рас ал-Айн ва бошқа шаҳарларига авиазарбалар берган. Кейинроқ амалиётнинг қуруқликдаги қисми бошлангани эълон қилинган.
Мавзуга оид
16:11 / 09.09.2024
Сурияда Исроил зарбаси оқибатида 14 киши ҳалок бўлди
21:57 / 07.09.2024
АҚШ Ироқдан қўшинларини олиб чиқиш санаси маълум бўлди — ОАВ
12:52 / 10.08.2024
Сурияда Эрон томонидан қўллаб-қувватланган гуруҳлар ҳужумида 11 киши ҳалок бўлди
15:07 / 07.08.2024