Швейцария Туркия операцияси сабабли Сурияга нисбатан санкцияларга ўзгартиришлар киритади

Туркия ҳарбий операцияси бошланиши муносабати билан Швейцария Сурияга гуманитар ёрдам етказилишини осонлаштириш мақсадида ушбу мамлакатга нисбатан жорий этилган санкцияларга ўзгартиришлар киритади.

Швейцария федерал кенгаши қарорига кўра, Берн Сурияга нисбатан киритилган санкцияларни қайта кўриб чиқади. Хусусан, Сурия фуқароларига гуманитар ёрдам етказишни молиялаштиришга ҳамда швейцариялик дипломатларнинг санкциялар остидаги шахслар билан билан мулоқотларига енгилликлар берилади.

Швейцария ҳукуматининг билдиришича, Туркиянинг Сурия шимоли-шарқида ҳарбий операция бошлаши натижасида мамлакатни 210 мингдан ортиқ киши тарк этган.

Туркия президенти Ражаб Таййип Эрдўған 9 октябрь куни Сурия шимолида Курдистон ишчилар партияси ва ИШИД террорчилик гуруҳига қарши "Тинчлик булоғи" операцияси бошланганини маълум қилди.

Туркия авиацияси ўша куни Суриянинг Рас ал-Айн ва бошқа шаҳарларига зарба берди. Кейинроқ ерусти операцияси бошлангани эълон қилинди.