Япония бош вазири Синдзо Абэнинг Таиландга парвози вақтида самолёт бортида кичик ёнғин юз берди. Ёнғин ходимлар овқат тайёрлайдиган хонада чиққан, деб хабар берди Kyodo ахборот агентлиги.
Ёнғин ўз вақтида бартараф этилган, ҳеч ким жабрланмаган.
Абэ Boeing 777-300ER самолётида парвоз қилади. Самолёт апрелда Boeing 747 ўрнига ишлатила бошланган.
Япония бош вазири Таиландда Жануби-Шарқий Осиё давлатлари ассоциацияси тадбирларида иштирок этиши режалаштирилган.
