Қўшимча функционаллар
-
Тунги кўриниш
БАА ва Саудия Арабистони қўшма виза жорий этмоқчи
БАА Иқтисодиёт вазири Саудия Арабистони билан қўшма виза жорий этиш масаласида музокаралар олиб борилаётганини эълон қилди.
Фото: Emirates авиакомпанияси
Бирлашган Араб Амирликлари ва Саудия Арабистони расмийлари ҳар иккала мамлакатга ҳам кириш ҳуқуқини берувчи янги қўшма виза турини жорий этиш устида иш олиб бормоқда.
Бу ҳақда БАА Иқтисодиёт вазири Султон бин Саид Ал-Мансурига асосланиб, Дубайда нашрдан чиқувчи Khaleej Times хабар тарқатди.
Вазирнинг сўзларига кўра, янги виза сайёҳларга ҳам БАА, ҳам Саудия Арабистони ҳудудида бўлиш имконини беради.
«Натижада иккала мамлакат ўртасидаги саёҳатлар икки баробаргача кўпайиши мумкин. Бу ташаббус ҳар икки давлатдаги кўплаб маҳаллий компаниялар учун ҳам манфаатли бўлади», – деди Ал-Мансури Ар-Риёдда ўтган инвестиция форумида.
Саудия Арабистонининг Al Arabiya телеканали маълумотига кўра, БАА билан қўшма виза лойиҳаси 2020 йилда татбиқ этилиши мумкин.
Маълумот учун, иккала мамлакат ҳам энг кўп сайёҳ борувчи топ-25 давлатлар рўйхатига киради. Жаҳон Туризм Ташкилоти маълумотига кўра, 2018 йилда Саудияга 15,3 млн, амирликларга 15,9 млн сайёҳ борган.
Мавзуга оид
14:15 / 12.11.2024
БАА ўзбекистонлик ҳайдовчиларни иш билан таъминлашни режалаштирмоқда
08:10 / 12.11.2024
Ўзбекистонга Саудия компанияларининг қарийб 2,5 млрд долларлик инвестициялари жалб этилади
19:01 / 11.11.2024
Ўзбекистон ва Саудия бош прокурорлари тергов ва ахборот алмашинувида ҳамкорлик бўйича келишув имзолади
09:25 / 11.11.2024