Қўшимча функционаллар
-
Тунги кўриниш
Adidas Россия терма жамоаси кийимида байроқнинг тескари тасвирланишига антиқа тушунтириш берди
Adidas футбол бўйича Россия терма жамоаси учун Россия байроғи тескари тасвирланган янги кийим ишлаб чиқди. Терма жамоа янги кийимни 7 ноябрда тақдим этди ва унда ўйинга тушиши керак эди. Бироқ футболканинг енгида тасвирланган тескари байроқ мухлислар ва Россия футбол иттифоқи норозилигини келтириб чиқарган.
Шу сабабли футболчилар янги кийимни 2020 йилги Европа чемпионати саралаш ўйинлари тугамагунча киймасликларига қарор қилинган.
Adidas’нинг тушунтиришича, Россия байроғи ғалаба онларида футболчилар қўлларини юқорига кўтарганларида тўғри кўриниши учун атайлаб тескари тасвирланган.
“Россия байроғи ранглари янги кийимнинг асосий элементи ҳисобланади. Бу ранглар футболчилар ва мухлислар ғалабани нишонлаб қўлларини юқорига кўтарганларида тўғри акс этади. Бизнинг вазифамиз байроқ ғалаба онларида тўғри акс этишидан иборат эди”, дейилган компанияда. Шу билан бирга компания вакили кийимдаги байроқ ранглари қўлнинг бурилишига боғлиқ ҳолда турли давлатлар байроқларини эслатиши мумкинлигини тан олган.
Аввалроқ Россия ОАВда терма жамоанинг кўплаб футболчиларига янги кийим ёқмагани ҳақида хабар пайдо бўлган. Таъкидланишича, футболчилар Бельгияга қарши учрашувга янги кийимда тушишдан бош тортишган. Россия футбол иттифоқи Adidas билан учрашиб, кийимни ўзгартиришни илтимос қилган, бироқ компания бундан бош тортган. Агар шартнома бузилса, уни Nike компанияси олиши мумкин.
Мавзуга оид
21:49 / 08.05.2025
Adidas ва Volkswagen нацистларнинг ҳокимият тепасига келишига жавобгарлигини тан олди
20:29 / 31.07.2024
Adidas супермодел Белла Хадид иштирокидаги кроссовка рекламасини ўз ресурсларидан олиб ташлади
12:20 / 02.04.2024
Adidas Германия миллий жамоаси футболкаларидан 44-рақамни олиб ташлади
16:45 / 05.12.2023