Ҳонгконг адлия вазири Лондонда намойишчилардан қочишга уриниш вақтида жароҳат олди

Британияга ташриф билан келган Ҳонгконг адлия вазири Тереза Чэн Хитойга қарши кайфиятдаги намойишчиларга тўқнаш келиб, улардан қутулмоқчи бўлиб жароҳат олди. Бу ҳақда The South China Morning Post нашри хабар берди.

Ниқобларда бўлган намойишчилар аёлни ўраб олиб, уни ҳақоратлаб, “Шармандалик” деб бақира бошлашган.

Вазир намойишчилар қуршовидан чиқиб кетишга ҳаракат қилиб, ерга йиқилиб тушган ва қўлини шикастлаб олган. Чэн воқеадан кейин Британия полициясига шикоят аризаси ёзган.

Бу орада Ҳонгконг ва Хитой вазир билан юз берган воқеани “қоралаб”, у юзасидан Британиянинг бош консуллигига норозилик билдирган. Лондондаги элчихона эса маҳаллий полицияни воқеани синчков тергов қилишга ва Хитой давлат муассасалари ва ходимлари қўриқланишини кучайтиришга чақирган.

“Намойишчиларнинг асл мақсади Ҳонгконгни беқарорлаштириш, “бир давлат – икки тизим” тамойилига путур етказиш ҳисобланади. Энди улар хорижда ҳам зўравонлик қилмоқдалар”, дейилган элчихона баёнотида.

Ҳонгконгда бир неча ойдан бери Хитойга экстрадиция қилиш ҳақидаги қонун лойиҳасига қарши бошланган норозилик намойишлари тўхтамаяпти.

London Bitch is falling down, falling down, falling down 🎶🎶🎶#HongKong #HongKongProtests https://t.co/K76XOmBV8v
— ClovePepe😷 (@ClovePepe) November 15, 2019