Қўшимча функционаллар
-
Тунги кўриниш
Хитой ташқи ишлар вазири АҚШни дунёдаги беқарорликнинг бош манбаи деб атади
Қўшма Штатлар дунёдаги беқарорликнинг бош манбаига айланди ва кейинги вақтда халқаро меъёрларга зид бир томонлама қарорларни тез-тез қабул қилмоқда. Бу ҳақда Хитой ташқи ишлар вазири Ван И Нидерландия ташқи ишлар вазири Стеф Блок билан учрашуви вақтида айтди.
"АҚш кўп сонли бир томонлама ва протекцион чоралар қабул қилмоқда, кўп томонлама механизмларни ишдан чиқармоқда. У дунёдаги энг йирик беқарорлаштирувчи омилга айланди", - деди у.
Ван Ининг сўзларига кўра, Қўшма Штатлар жаҳондаги энг йирик давлатдир ва шу боис унинг зиммасига сайёрамиздаги тинчлик ва тартиб сақланиши учун катта масъулият тушади.
У АҚШ кейинги пайтда Хитой компанияларига нисбатан босимни кучайтирганини ва "ошкора гегемония усуллари"га ўтаётганини эслатиб ўтди.
