Теледебатларга келмаган Борис Жонсон ўрнига муздан ишланган шакл қўйилди

Британиянинг Channel 4 телеканали иқлим ўзгаришига бағишланган теледебатларда студияга келмаган Британия бош вазири Борис Жонсон ва Brexit партияси етакчиси Найжел Фараж ўрнига муздан ишланган шакллардан фойдаланди. Бу ҳақда Sky News телеканали хабар берди.

Таъкидланишича, қолган 5 та партия етакчилари дебатларга келишган ва иқлим муаммоларини муҳокама қилишган. Жонсон ва Фаражга аталган жойларда эса Ер сайёраси шаклидаги муз бўлаклари турган.

These two ice sculptures - which represent the emergency on planet earth - will take the place of Boris Johnson and Nigel Farage tonight after they declined our invitation to attend a party leaders' #ClimateDebate

Tune in at 7pm on 4 and here on Twitter: https://t.co/GXl7XiFbgA pic.twitter.com/niPE5MLdGV
— Channel 4 News (@Channel4News) November 28, 2019

Жонсон етакчилик қиладиган консерваторлар партияси телеканалнинг бу ишини эфирга узатиш кодексининг бузилиши деб топиб, назорат қилувчи ташкилотга шикоят йўллаган. Консеравторлар ушбу ҳолатни “бетарафлик тамойилининг бузилиши” ва “сиёсий фикрни билдириш” деб ҳисоблаб, ўз шикоятларида ушбу “иғвогар хатти-ҳаракат”ни текширишни сўрашган.

Британияда 12 декабрда муддатдан олдин парламент сайловлари бўлиб ўтади. Улар парламент орқали “Брекзит” бўйича келишувни ўтказмоқчи бўлаётган Жонсон ташаббуси билан ўтказилмоқда.

#Борис Жонсон #Британия